ಖುಷ್ಬೂ ಅವರು ಎಷ್ಟರಮಟ್ಟಿಗೆ ಫೆಮಸ್ ಆಗಿದ್ದರು ಅನ್ನುವುದಕ್ಕೆ ಸಾಕ್ಷಿ, ತಮಿಳುನಾಡಿನ ಅಭಿಮಾನಿಗಳು ಅವರ ಹೆಸರಲ್ಲಿ ದೇವಸ್ಥಾನ ನಿರ್ಮಿಸಿದ್ದರು. ಅದೇ ರೀತಿ ಖುಷ್ಬೂ ಹೆಸರಿನ ಸೀರೆ ಕೂಡ ಸೃಷ್ಟಿಯಾಗಿ, ಹೆಣ್ಮಕ್ಕಳು ಆ ಸೀರೆಯನ್ನೇ ಖರೀದಿ ಮಾಡುತ್ತಿದ್ದರು. ಅದಕ್ಕೆ ಕಾರಣ ಸಿನಿಮಾಗಳಲ್ಲಿ ಖುಷ್ಬೂ ಅವರು ಉಡುತ್ತಿದ್ದ ಸೀರೆಗಳು ಅಷ್ಟೊಂದು ಆಕರ್ಷಿತವಾಗಿರುತ್ತಿತ್ತು. ಇನ್ನು ಖುಷ್ಬೂ ಅವರು ನೋಡಲು ದಪ್ಪಗಿದ್ದರೂ, ಅಪಾರ ಸಂಖ್ಯೆಯಲ್ಲಿ ಅಭಿಮಾನಿಗಳು ಅವರನ್ನು ಮೆಚ್ಚಿಕೊಂಡಿದ್ದರು. ಕಾರಣ ಅವರು ನೋಡಲು ಅಷ್ಟೊಂದು ಮುದ್ದಾಗಿದ್ದರು ಜೊತೆಗೆ ನಟನೆ ಕೂಡ ಅಧ್ಬುತವಾಗಿರುತ್ತಿತ್ತು.
ತಮಿಳು, ತೆಲುಗು, ಮಲಯಾಳಂ, ಹಿಂದಿ ಸೇರಿದಂತೆ ಕನ್ನಡದಲ್ಲಿಯೂ ಅದ್ಭುತ
ಸಿನಿಮಾಗಳನ್ನು ನೀಡಿರುವ ಖುಷ್ಬೂ ಕೊನೆಯದಾಗಿ ಮ್ಯಾಜಿಕ್ ಅಜ್ಜಿ ಸಿನಿಮಾದಲ್ಲಿ ನಟಿಸುವ
ಮೂಲಕ ಮತ್ತೆ ಕನ್ನಡದಲ್ಲಿ ಮ್ಯಾಜಿಕ್ ಮಾಡಿದ್ದರು. ಇದೀಗ ಸಿನಿಮಾ, ಪಾಲಿಟಿಕ್ಸ್ ಹೀಗೆ
ಎರಡೂ ಕ್ಷೇತ್ರದಲ್ಲಿ ಬ್ಯುಸಿಯಾಗಿರುವ ಖುಷ್ಬೂ ಅವರು ತೂಕ ಇಳಿಸಿಕೊಂಡು ಬಲುಕುವ
ಬಳ್ಳಿಯಂತಾಗಿದ್ದಾರೆ. ಇತ್ತೀಚೆಗಷ್ಟೇ ಖುಷ್ಬೂ ತಾವು ತೆಳ್ಳಗಾಗಿರುವ ಫೊಟೋಗಳನ್ನು
ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಸಖತ್ ಯಂಗ್ ಆಗಿ ಕಾಣಿಸುತ್ತಿರುವ ಖುಷ್ಬೂ
ಅವರನ್ನು ನೋಡಿ ಎಲ್ಲರೂ ಅಚ್ಚರಿ ಪಟ್ಟಿದ್ದಾರೆ.
