ಕನ್ನಡ ಕಿರುತೆರೆ ಜನಮೆಚ್ಚಿನ ಕಾರ್ಯಕ್ರಮ ಬಿಗ್ ಬಾಸ್ ಸೀಸಿನ್ ಎಂಟು, ಆದೇಕೋ ಏನೋ ಕೇವಲ ಅಡೆತಡೆಗಳಿಂದಲೇ ಕೂಡಿತ್ತು. ಹೌದು ಪ್ರತಿ ವರುಷವು ಪ್ರಾರಂಭವಾಗುತ್ತಿದ್ದ ಬಿಗ್ ಬಾಸ್ ಸೀಸನ್ ಗಳು, ಕಳೆದ ವರುಷ ಕರೋನಾ ಇದ್ದ ಕಾರಣ, ಬ್ರೇಕ್ ಬೀಳಲಾಗಿತ್ತು. ಕಳೆದ ಆಗಸ್ಟ್‌ ನಲ್ಲಿಯೇ ಪ್ರಸಾರವಾಗಬೇಕಿದ್ದ, ಸೀಸನ್ ಎಂಟು, ಈ ವರುಷ ಫೆಬ್ರವರಿ ತಿಂಗಳಲ್ಲಿ ಪ್ರಸಾರಗೊಂಡಿದ್ದು, ತಡವಾದರು ಕೂಡ ಜನರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರೂ ಕೂಡ ಸಂಪೂರ್ಣಗೊಳೊಸಲು ಸಾಧ್ಯವಾಗಲಿಲ್ಲ.
ಫಿನಾಲೆಗೆ ನಾಲ್ಕು ವಾರ ಬಾಕಿ ಇರುವಾಗಲೇ ಕಾರ್ಯಕ್ರಮವನ್ನು ರದ್ದು ಮಾಡಲಾಯಿತು. ಹೌದು ಹೊರಗಡೆ ಕರೋನಾ ಎರಡನೇ ಅಲೆ ಬಹಳ ವ್ಯಾಪಕವಾಗಿ ಹರಡಿದ್ದು, ಬೆಡ್ ಸಿಗದೆ, ಸಾಲು ಸಾಲು ಮಂದಿ ಪ್ರಾಣ ಕಳೆದುಕೊಳ್ಳುತ್ತಿದ್ದರು. ಅಂತ್ಯ ಸಂಸ್ಕಾರ ಮಾಡಲು ಕೂಡ ಜಾಗ ಸಿಗದ ಪರಿಸ್ಥಿತಿಯಲ್ಲಿ ಬೆಂಗಳೂರಿನ ಮಂದಿ ಇದ್ದ ಕಾರಣ, ರಾಜ್ಯದಲ್ಲಿ ಲಾಕ್ ಡೌನ್ ಘೋಷಣೆ ಮಾಡಲಾಯಿತು. ಈ ಕಾರಣದಿಂದಾಗಿ ರಾಜ್ಯದಲ್ಲಿ ಚಿತ್ರರಂಗದ ಹಾಗೂ ಕಿರುತೆರೆ ಧಾರಾವಾಹಿ ರಿಯಾಲಿಟಿ ಶೋಗಳ ಚಿತ್ರೀಕರಣಗಳಿಗೆ ಅನುಮತಿ ದೊರೆಯದ ಕಾರಣ, ಬಿಗ್ ಬಾಸ್ ಸೀಸಿನ್ ಎಂಟನ್ನು ನಿಲ್ಲಿಸಲೇ ಬೇಕದ ಪರಿಸ್ಥಿತಿ ಆಯೋಜಕರಿಗೆ ಎದುರಾಗಿತ್ತು.
ಇದೀಗ ಅದೆಲ್ಲವನ್ನು ಹೊರತು ಪಡಿಸಿ ಮತ್ತೊಂದು ಕೆಲಸ ಮಾಡಿದ್ದು ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ. ನಟಿ ಪ್ರಿಯಾಂಕ ತಿಮ್ಮೇಶ್ ಅವರು ಪ್ರಾಣಿಗಳನ್ನು ದತ್ತು ಪಡೆದಿದ್ದು, ಮೈಸೂರು ಮೃಗಾಲಯದ ಬ್ಲಾಕ್ ಬಕ್ ಒಂದನ್ನು ಪ್ರಿಯಾಂಕ ತಿಮ್ಮೇಶ್ ವರ್ಷದ ಅವಧಿಗೆ ದತ್ತು ಪಡೆದುಕೊಂಡಿದ್ದು ಪ್ರಾಣಿ ದತ್ತು ಪಡೆಯಲು ದರ್ಶನ್ ಅವರೇ ಸ್ಪೂರ್ತಿ ಎಂದು ತಿಳಿಸಿದ್ದಾರೆ.
ಕೆಲ ದಿನಗಳ ಹಿಂದೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಪ್ರಾಣಿಗಳನ್ನು ದತ್ತು ತೆಗೆದುಕೊಂಡು ನೆರವಾಗುವಂತೆ ಮನವಿ ಮಾಡಿದ್ದರು. ಒಟ್ಟಿನಲ್ಲಿ ದರ್ಶನ್ ಅವರ ಮನವಿಗೆ ಉಪೇಂದ್ರ ಸೇರಿದಂತೆ ಅನೇಕ ಕಲಾವಿದರು, ನಿರ್ಮಾಪಕರು, ನಿರ್ದೇಶಕರು ಕೈ ಜೋಡಿಸಿದ್ದು ಇದೀಗ ಪ್ರಿಯಾಂಕ ತಿಮ್ಮೇಶ್ ಕೂಡ ಈ ಕೆಲಸದಲ್ಲಿ ದತ್ತು ತೆಗೆದುಕೊಳ್ಳುವ ಮೂಲಕ ದರ್ಶನ್ ಅವರ ಜೊತೆ ನಿಂತಿದ್ದಾರೆ.
