ಇತ್ತೀಚೆಗೆ ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆ ಬಳಿ ತೆರಳುತ್ತಿದ್ದಾಗ ದ್ವಿಚಕ್ರ ವಾಹನ
ಅಪಘಾತದಿಂದಾಗಿ ರಾಷ್ಟ್ರ ಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್‌ ಅವರು ನಿಧನ
ಹೊಂದಿದ್ದರು. ಅಪಘಾತದ ವೇಳೆ ಅವರ ಮೆದುಳು ನಿಷ್ಕ್ರಿಯಗೊಂಡ ಪರಿಣಾಮ ಅವರು
ಸಾವನ್ನಪ್ಪಿದರು. ಅವರ ದೇಹದ ಅಂಗಾಂಗಗಳನ್ನು ದಾನ ಮಾಡುವ ಮೂಲಕ ಅವರು ಸಮಾಜಕ್ಕೆ
ಮಾದರಿಯಾದರು.ಇದಾದ ಬಳಿಕ ಅವರ ಪಾರ್ಥಿವ ಶರೀರವನ್ನು ಚಿಕ್ಕಮಗಳೂರು ಜಿಲ್ಲೆ ಕಡೂರು ತಾಲ್ಲೂಕು
ಪಂಚನಹಳ್ಳಿ ಸ್ವಗ್ರಾಮದಲ್ಲಿ ಅಂತ್ಯ ಸಂಸ್ಕಾರ ಮಾಡಲಾಯಿತು. ಇಂದು ಅವರು ನಿಧನ ಹೊಂದಿ
ಮೂರು ದಿನ ಕಳೆದ ಪರಿಣಾಮವಾಗಿ ಅವರನ್ನು ಮಣ್ಣು ಮಾಡಿದ ಸ್ಥಳದಲ್ಲಿ ಹಾಲು ತುಪ್ಪ
ಬಿಡಲಾಯಿತು. ಈ ಕಾರ್ಯಕ್ರಮದಲ್ಲಿ ಕುಟುಂಬದ ಸದಸ್ಯರು, ಹತ್ತಿರದ ಸಂಬಂಧಿಗಳು ಹಾಗೂ
ವಿಜಯ್‌ ಅವರ ಸ್ನೇಹಿತರು ಭಾಗಿಯಾಗಿದ್ದರು.
ಸಂವಾರಿ ವಿಜಯ್‌ ಅವರನ್ನು ಮಣ್ಣು ಮಾಡಿದ ವಿಧಿ ವಿಧಾನ ನಡೆಯುವ ವೇಳೆ ಸಂಚಾರಿ ವಿಜಯ್‌
ಅವರಿಗೆ ಅವಮಾನವಾಗಿದೆ. ಹಾಗಾಗಿ ಅವರ ಕುಟುಂಬಸ್ಥರು ಹಾಗೂ ಅವರ ಅಭಿಮಾನಿಗಳು ಕಣ್ಣೀರು
ಹಾಕಿದ್ದಾರೆ.
